சென்னை: பப்ஜி மதனின் 5 யூடியூப் சேனல்கள் முடக்கப்பட்டுள்ளது. பப்ஜி கேமில் சிறுவர், சிறுமிகளிடம் ஆபாசமாக பேசிய புகாரில் யூடியூப் மதன் கைது செய்யப்பட்டுள்ளார். 14 நாட்கள் நீதிமன்றக் காவலில் பப்ஜி மதன் சிறையில் அடைக்கப்பட்டுள்ள நிலையில் அவரது சேனல்கள் முடக்கப்பட்டுள்ளது.

சென்னை: துணை நடிகையின் பாலியல் புகாரில் கைதான அதிமுக முன்னாள் அமைச்சர் மணிகண்டன் நீதிமன்றத்தில் ஆஜர்படுத்தப்பட்டார். 2 மணிநேர விசாரணைக்கு பின் சைதாப்பேட்டை நீதிமன்றத்தில் மணிகண்டனை போலீசார் ஆஜர்படுத்தினர்.

பெங்களுர்: பெங்களூருவில் மாநகர போக்குவரத்துக் கழகம் நாளை முதல் 2,000 பேருந்து சேவைகளை இயக்க முடிவு செய்துள்ளது. பெங்களூருவில் இருந்து முக்கிய இடங்களுக்கு காலை 6 மணி முதல் மாலை 7 மணி வரை பேருந்துகளை இயக்க திட்டமிட்டுள்ளனர். பெங்களுரு பெருநகர போக்குவரத்துக் கழக ஊழியர்கள் அனைவருக்கும் தடுப்பூசி கட்டாயம் என அரசு அறிவித்துள்ளது.

தானே: மராட்டிய மாநிலத்தில் தானே குற்றப்பிரிவு போலீசார் நடத்திய அதிரடி சோதனையில் ரூ.1.50 கோடி போதை மருந்து சிக்கியது. போதை மருந்து கடத்தல் கும்பலை சேர்ந்த 3 பேரை  தானே  குற்றப்பிரிவு போலீசார் கைது செய்து தீவிர விசாரணை நடத்தி வருகின்றனர்.

திருவள்ளூர்: எண்ணூர் காமராஜர் துறைமுகத்தில் கச்சா எண்ணெய் இறக்கிய போது பைப் லைனில் கசிவு ஏற்பட்டது. கப்பலில் இருந்து குழாய் மூலம் கச்சா எண்ணையை இறங்கியபோது  குழாய் உடைந்ததில் கசிவு ஏற்பட்டது. கச்சா என்னை படலம் கடலில் கலாக்காமல் தடுக்கும் பணிகள் நடைபெற்று வருகின்றது என துறைமுகம் நிர்வாகம் தெரிவித்துள்ளது.

டெல்லி: டெல்லியில் 50% பேர் அமர்ந்திடும் வகையில் மதுபான பார்களை நாளை முதல் திறக்க அம்மாநில அரசு அனுமதி அளித்துள்ளது. பூங்காக்கள், கோல்க் கிளப், வெளிப்புற யோகா மையங்கள் செயல்படவும் அனுமதி வழங்கப்பட்டுள்ளது.

சென்னை: பொறியியல் மாணவர்களுக்கான மறுதேர்வுக்கு ஹால் டிக்கெட்டை அண்ணா பல்கலைக்கழகம் வெளியிட்டது. நாளை தொடங்கும் மறுதேர்வுக்கான ஹால் டிக்கெட்டை acoe.annauniv.edu-ல் பதிவிறக்கம் செய்யலாம் என அறிவித்துள்ளது.

சென்னை: பாலியல் புகாரில் கைது செய்யப்பட்ட முன்னாள் அதிமுக அமைச்சர் மணிகண்டன் சென்னை அழைத்து வரப்பட்டார். அடையாறு அனைத்து மகளிர் காவல்நிலையத்தில் வைத்து மணிகண்டனிடம் விசாரணை நடத்த போலீசார் திட்டமிட்டுள்ளனர். அடையாறு அனைத்து  மகளிர் காவல் நிலையத்தில் பலத்த போலீஸ் பாதுகாப்பு போடப்பட்டுள்ளது.

டெல்லி: நாட்டின் தலைநகர் டெல்லியில் நண்பகலில் ஏற்பட்ட நிலநடுக்கத்தால் மக்கள் அதிர்ச்சியடைந்துள்ளனர். டெல்லியில் நிலநடுக்கம் 2.1 ரிக்டர் அளவாக பதிவானதாக மத்திய புவி அதிர்வு மையம் தகவல் தெரிவித்துள்ளது.

சென்னை: தமிழகத்தில் 386 பேருக்கு உருமாற்றம் அடைந்த டெல்டா கொரோனா தொற்று கண்டறியப்பட்டுள்ளது. அதிகம் பேர் டெல்டா வகை தொற்றால் பாதிக்காப்பட்டுள்ளனர். குழந்தைகளுக்கு குறைவான பாதிப்பு தான். இளைஞர்களுக்கு அதிக பாதிப்பு. சமூகம், குடும்பம், 2 வது முறை கொரோனா தொற்றால் பாதிக்கபட்டவர்கள், குழந்தைள், தடுப்பூசி செலுத்தி கொண்டவர்கள், தீவிர சிறுநீரக பாதிப்பு உள்ள இளைஞர்களள், இணை நோய் உள்ளவர்கள், வெளி நாட்டு பயணிகளிடம் இருந்து மாதிரி சேகரிக்கப்பட்டுள்ளது. 1159 மாதிரிகளில் முதல் கட்டமாக 554 மாதிரிகளின் முடிவுகள் கிடைத்துள்ளது.

ஊரடங்கு தளர்வுகள்: மண்பாண்டம், கைவினைப் பொருட்கள் தயாரித்தல், விற்பனைக்கு காலை 9 மணி முதல் மாலை 5 மணி வரை அனுமதி வழங்கப்பட்டுள்ளது. 33 சதவிகித பணியாளர்களுடன் அனைத்து தனியார் நிறுவனங்களும் செயல்படலாம் என அறிவிக்கப்பட்டுள்ளது.

ஊரடங்கு தளர்வுகள்: நோய் தொற்று குறைவாக உள்ள 4 மாவட்டங்களில்  மாவட்டங்களுக்குள் 50 சதவிகித பேருந்துகளை இயக்க அனுமதி வழங்கப்பட்டுள்ளது. சென்னையில் மெட்ரோ ரயில் இயங்க அனுமதி அளிக்கப்படுகிறது. கொரோனா தொற்று அதிகம் உள்ள 11 மாவட்டங்களில் புதிய தளர்வுகள் இல்லை; தற்போதைய நிலையே தொடரும் என அரசு அறிவித்துள்ளது.

சென்னை: தமிழ்நாட்டில் நாளை முதல் ஜூன் 28 வரை புதிய தளர்வுகளுடன் ஊரடங்கு  நீட்டிக்கப்பட்டுள்ளதாக தமிழ்நாடு அரசு அறிவித்துளளது. கொரோனா பரவல் குறைந்து வருவதால் கூடுதல் தளர்வுகளை  தமிழ்நாடு முதல்வர் மு.க.ஸ்டாலின் அறிவித்துள்ளார்.

தருமபுரி: அரசு மருத்துவமனையில் ஜூன் 19-ல் அருள்மணியின் மனைவி மாலினிக்கு ஆண் குழந்தை பிறந்தது. மருத்துவமனையில் தங்கியிருந்த மாலினி கழிப்பறைக்கு  சென்று திரும்பிய போது குழந்தையை காணவில்லை. தருமபுரி நகர போலீசார் வழக்கு பட்திவு செய்து குழந்தையை கடத்தியவர்களை தேடி வருகின்றனர்.

சென்னை: தமிழ்நாடு அரசின்  நிதிநிலை குறித்து விரைவில் வெள்ளை அறிக்கை வெளியிடப்படும் என தமிழ்நாடு நிதியமைச்சர் பழனிவேல் தியாகராஜன் கூறியுள்ளார். தற்போதைய சூழலில் பெட்ரோல், டீசல் மீதான வரியை குறைக்க சாத்தியமில்லை என பழனிவேல் தியாகராஜன் அளித்த பேட்டியில் தெரிவித்துள்ளார். ஒரு லிட்டர் பெட்ரோலுக்கு ரூ.10-ஆக இருந்த வரியை ரூ.32.9 ஆக ஒன்றிய அரசு உயர்த்தியுள்ளது என தமிழ்நாடு நிதியமைச்சர் கூறியுள்ளார்.

சென்னை: தென்மேற்கு பருவக்காற்று மற்றும் வெப்பசலனத்தால் விழுப்புரம், புதுச்சேரியில் மழை பெய்யக்கூடும் என வானிலை ஆய்வு மையம் தகவல் தெரிவித்துள்ளது. அடுத்த ஓரிரு மணி நேரத்தில் இடி, மின்னலுடன் விழுப்புரம் மற்றும் புதுவையில் ஓரிரு இடங்களில் மலைக்கு வாய்ப்புள்ளது என சென்னை வானிலை ஆய்வு மையம் கூறியுள்ளது.

சென்னை: வடசென்னை அனல் மின் நிலையத்தில் தொழில்நுட்ப கோளாறு காரணமாக நிறுத்தப்பட்ட 600 மெகாவாட் மின் உற்பத்தி  மீண்டும் தொடங்கப்பட்டுள்ளது. கடந்த ஏப்ரல் 20-ம் தேதி ஏற்பட்ட தொழில்நுட்ப கோளாறு சரிசெய்யப்பட்டு மீண்டும் மின் உற்பத்தி தொடங்கியுள்ளது.

சென்னை: சென்னை ஏ.டி.எம்.மையமங்களில் நூதன முறையில் ரூ.2 லட்சம் பணத்தை கொள்ளையடித்தது தொடர்பாக போலீசார் விசாரணை மேற்கொண்டுள்ளார். பணம் எடுக்கும் போது ஏ.டி.எம். மூடியை 20 வினாடிகள் பிடித்துக்கொண்டு மோசடி செய்ததாக புகார் தெரிவிக்கப்பட்டுள்ளது. பணம் எடுத்துவிட்டு மூடியை 20 வினாடிகள் பிடித்தால் பணம் எடுக்காததை போல் காட்டும் என்பதை அறிந்து கொள்ளை சம்பவம் நிகழ்த்தப்பட்டுள்ளது. 

சென்னை: சென்னையில் மின் நுகர்வோருக்கான சேவை மையத்தை முதலமைச்சர் மு.க.ஸ்டாலின்  திறந்து வைத்தார். அண்ணாசாலையில் உள்ள மின்வாரிய அலுவலகத்தில் நுகர்வோருக்கான குறை தீர்ப்பு முகாம் செயல்படவுள்ளது. 94987 94987 என்ற செல்போன் எண்ணில், மின் நுகர்வோர் சேவை தொடர்பாக பொதுமக்கள் தொடர்பு கொள்ளலாம் என தெரிவிக்கப்பட்டுள்ளது.

சென்னை: நீட் தேர்வு வேண்டாம் என்பது திமுகவின் உறுதியான நிலைப்பாடு என சுகாதாரத்துறை அமைச்சர் மா.சுப்பிரமணியன் தெரிவித்துள்ளார். நீட் தேர்வை ரத்து செய்வதற்கான நடவடிக்கைகளை தொடர்ந்து செய்து வருகிறோம் என அமைச்சர் மா.சுப்பிரமணியன் கூறியுள்ளார்.